ពិធីបើកអង្គសន្និបាតនឹងប្រារព្ធឡើងក្រោមអធិបតីភាព លោក ឡុង ឆ័យណាវ ប្រធាន ក្រុមប្រឹក្សាពិគ្រោះយោបល់ នៃសមាគមសម្ព័ន្ធសារព័ត៌មានឯករាជ្យ និងលោកបណ្ឌិត ទូច វណ្ណៈ ប្រធានសមាគមសារព័ត៌មានឯករាជ្យ ប្រព្រឹត្តទៅនៅព្រឹកថ្ងៃអាទិត្យ ២កើត ខែចេត្រ ឆ្នាំរោង ឆស័ក ព.ស.២៥៦៨ រាជធានីភ្នំពេញ ថ្ងៃទី៣០ ខែមីនា ឆ្នាំ២០២៥
ឯកឧត្តម ឡុង ឆ័យណាវ ប្រធានក្រុម ប្រឹក្សាពិគ្រោះយោបល់ នៃសមាគមសម្ព័ន្ធសារព័ត៌មានឯករាជ្យ សូមបងប្អូនសារព័ត៌មាន សមាជិក សមាជិកា ស.ស.ស.ឯ ត្រូវចូលរួមផ្សព្វផ្សាយពីសមិទ្ធផលនានារបស់រាជរដ្ឋាភិបាល ក្រសួង ស្ថាប័នថ្នាក់ជាតិ និងរដ្ឋបាលថ្នាក់ក្រោមជាតិ (រាជធានី ខេត្ត ក្រុង ស្រុក ខណ្ឌ ឃុំ សង្កាត់) ឱ្យ បានទូលំទូលាយ ដើម្បីបង្ហាញពីកិច្ចខិតខំប្រឹងប្រែងរបស់រាជរដ្ឋាភិបាល និងស្ថាប័នរដ្ឋគ្រប់លំដាប់ថ្នាក់ ចំពោះប្រជាពលរដ្ឋ និងសង្គមជាតិទាំងមូល។ សមាជិក សមាជិកា ស.ស.ស.៦ ត្រូវចូលរួមផ្សព្វផ្សាយ និងជំរុញគោលនយោបាយ ភូមិ-ឃុំ-សង្កាត់មានសុវត្ថិភាព ឱ្យបានទូលំទូលាយ និងកាន់តែមានប្រសិទ្ធ ភាពបន្ថែមទៀត។
លោក ទូច វណ្ណៈ ប្រធានសមាគមសម្ព័ន្ធសារព័ត៌មានឯករាជ្យ មានប្រសាសន៍ថា កម្មវិធី សន្និបាតប្រចាំឆ្នាំរបស់សមាគមសម្ព័ន្ធសារព័ត៌មានឯករាជ្យ ដែលមានការនិមន្ត និងអញ្ជើញចូលរួម ពីសំណាក់អនុប្រធាន និងសមាជិកក្រុមប្រឹក្សាភិបាល ថ្នាក់ដឹកនាំ និងសមាជិក សមាជិកាសមាគម សម្ព័ន្ធសារព័ត៌មានឯករាជ្យនេះ នឹងផ្តល់ជាវេទិកាពិភាក្សាអំពីបញ្ហាប្រឈមនានារបស់វិស័យ សារព័ត៌មាន នៅកម្ពុជានិយាយជារួម និងដោយឡែកបញ្ហាប្រឈមរបស់បណ្តាអង្គភាពសារព័ត៌មាន និងអ្នកសារព័ត៌មានដែលជាសមាជិករបស់ IPA ក្នុងន័យស្វែងរកដំណោះស្រាយជារួមសំដៅធ្វើ យ៉ាងណាជំរុញឲ្យវិស័យសារព័ត៌មានកាន់តែមានតួនាទីសំខាន់បន្ថែមទៀតក្នុងការចូលរួមចំណែក អភិវឌ្ឍប្រទេសជាតិក៏ដូចជាពង្រឹងលទ្ធិប្រជាធិបតេយ្យនៅកម្ពុជា។
លោកបណ្ឌិត ទូច វណ្ណៈ បានបញ្ជាក់បន្ថែមថា របៀបវារៈនៃអង្គសន្និបាតក៏នឹងមានប្រធានបទ ២សំខាន់ដែរ គឺប្រធានបទទី១ ស្តីពីការប្រឆាំងព័ត៌មានក្លែងក្លាយ និងប្រធានបទទី២ ការឈ្វេងយល់ អំពីធម្មនុញ្ញវិជ្ជាជីវៈសារព័ត៌មាន ដែលជាអាវក្រោះសម្រាប់អ្នកសារព័ត៌មាននៅកម្ពុជា។
សូមបញ្ជាក់ថា សមាគមសម្ព័ន្ធសារព័ត៌មានឯករាជ្យបង្កើតឡើងដោយក្រុមយុវជនខ្មែរ ដែល មានអាជីពជាអ្នកសារព័ត៌មាន ជាអ្នកស្រឡាញ់វិស័យព័ត៌មាន និងការងារសង្គម មនុស្សធម៌ សាសនា អប់រំ កីឡា សិល្បៈ និងការអភិវឌ្ឍនធនធានមនុស្ស។ សមាគមត្រូវបានចុះបញ្ជីក្នុងក្រសួងមហាផ្ទៃលេខ ១០៩៥ ប្រក ចុះថ្ងៃទី២៤ ខែមីនា ឆ្នាំ២០២២ និងលិខិតអនុញ្ញាតឱ្យធ្វើសកម្មភាពលើវិស័យ សារព័ត៌មានរបស់ក្រសួងព័ត៌មានលេខ ០០៥ ព.ស. ល.អ ចុះថ្ងៃទី១ ខែកុម្ភៈ ឆ្នាំ២០២៣។
បច្ចុប្បន្នសមាគមសារព័ត៌មានឯករាជ្យ មានអង្គភាពសារព័ត៌មានជាសមាជិកសរុបចំនួន៦២ អង្គភាព និងមានក្រុមហ៊ុនសហគ្រាស គ្រឹះស្ថានសិក្សាជាដៃគូ សរុបចំនួន២៤ស្ថាប័ន។ សាមាគម សារព័ត៌មានឯករាជ្យរាប់ចាប់ពីថ្នាក់ដឹកនាំ សមាជិក សមាជិកាថ្នាក់កណ្តាល និងថ្នាក់ដឹកនាំ សមាជិក សមាជិកានៅថ្នាក់រាជធានី ខេត្តទាំង១០ សរុបជិត ៣,០០០នាក់៕
