លោក វ៉ា សុជាតិ អញ្ជើញចុះសួរសុខទុក្ខ និងប្រគល់អំណោយជូនលោក រស់ ហៃ ប្រធានសមាគមសម្ព័ន្ធសារព័ត៌មានឯករាជ្យ ស្រុករំដួល ខេត្តស្វាយរៀង
……………..
នៅល្ងាចថ្ងៃទី២ ខែមិថុនា ឆ្នាំ២០២៤ លោក វ៉ា សុជាតិ អនុប្រធានសមាគមសម្ព័ន្ធសារព័ត៌មានឯករាជ្យ ខេត្តស្វាយរៀង ជាតំណាងលោកវេជ្ជបណ្ឌិត រស់ ថុន ប្រធានសមាគមសម្ព័ន្ធសារព័ត៌មានឯករាជ្យ ខេត្តស្វាយរៀង និងក្រុមការងារ បានអញ្ជើញចុះសួរសុខទុក្ខ និងនាំយកអំណោយប្រគល់ជូនលោក រស់ ហៃ ប្រធានសមាគមសម្ព័ន្ធសារព័ត៌មានឯករាជ្យ ស្រុករំដួល ខេត្តស្វាយរៀង ដែលជួបគ្រោះថ្នាក់ចរាចរណ៍ បាននិងកំពុងសម្រាកព្យាបាលនៅគេហដ្ឋាន។
អំណោយដែលលោក វ៉ា សុជាតិ និងក្រុមការងារ ប្រគល់ជូនលោក រស់ ហៃ នាឱកាសនោះរួមមាន ៖ ថវិកា ចំនួន ១លាន ៣៧ម៉ឺនរៀល ទឹកផ្លែឈើ ចំនួន ១កេស និងទឹកបរិសុទ្ធ ចំនួន ២កេស។
អញ្ជើញចូលរួមនាឱកាសនោះដែរ ក៏មានលោក ពេញ ទិត្ថារ៉ា ប្រធានលេខាធិការដ្ឋានសមាគមសម្ព័ន្ធសារព័ត៌មានឯករាជ្យ ខេត្តស្វាយរៀង លោក កុន អិត និងលោក កែវ ចន្ធី អនុប្រធានសមាគមសម្ព័ន្ធសារព័ត៌មានឯករាជ្យ ស្រុករំដួល ផងដែរ៕
